Glória de Deus/Dia Gloro

                          Mediuma Poemaro - Porto Carreiro Neto

                                                   DIA GLORO

                               Amo estas la lumo de la mondo,
                               Kiel Suno la Forto de la Tero.
                               Estas Reĝo la Amo en la rondo
                               De kreitoj vivantaj en etero.
                               Por ĉenitaj al kota materio
                               Lumo taŭgas nur plej materiala;
                               Ne pli bonan konsentus Bona Dio
                               Luman fonton de Sia regn’ astrala.
                               Vi bezonas de l’ Suno la helecon
                               Kaj la varmon, por vivo malsupera;
                               Sed la Grandaj ja havas mem lumecon,
                               Kian homo ne havas, ĉar mizera.
                               Tamen, homo, al Patro la rigardon
                               Ĉiam levu, en danko kaj fervoro;
                               De la gloro de l’ tag’ prikantu ardon,
                               Ero estas ĝi mem de l’ Dia Gloro!


                                                                 1/4/1947                                                                                                                                                                     M.Solovjev